گال ٹیسٹ، پاکستان کو جیت کیلیے 83 رنز درکار

گال ٹیسٹ کے چوتھے روز سری لنکا کی ٹیم 279 رنز بنا کر آؤٹ ہوگئی، پاکستان نے دوسری اننگز میں 3وکٹوں کے نقسان پر48رنز بنا لیے اسے جیت کیلیے مزید83رنز درکا ہیں۔

ہدف کے تعاقب میں پاکستان نے بیٹنگ شروع کی تو 16 رنز کے اسکور پر عبداللہ شفیق 8 رنز بنا کر پویلین لوٹ گئے۔ شان مسعود 7 رنز بنا کر کیچ آؤٹ ہوگئے جبکہ نعمان علی صفر پر رن آؤٹ ہوگئے۔ اوپنر امام الحق اور کپتان بابر اعظم کریز پر موجود ہیں۔ پربھات جےسوریا نے دو وکٹ لیں۔

سری لنکا 279 پر آؤٹ، پاکستان کو جیت کیلیے 131رنز درکار

 قبل ازیں گال ٹیسٹ کے چوتھے روز سری لنکا کی ٹیم 279 رنز بنا کر آؤٹ ہوگئی، پاکستان کو جیت کےلیے 131 رنز کا ہدف دے دیا۔

سری لنکا کی جانب سے دھننجایا ڈی سلوا نے 82 رنز کی اننگز کھیلی، شاہین آفریدی کا شکار بنے۔ میزبان ٹیم کی پہلی وکٹ 42 رنز پر گری تھی، دیموتھ کرونارتنے 20 رنز بنا کر ابرار احمد کی گیند پر آؤٹ ہوئے تھے جبکہ سری لنکا کا دوسرا کھلاڑی 79 کے مجموعے پر آؤٹ ہوا تھا، کوشل مینڈس کو 18 رنز پر نعمان علی نے آؤٹ کیا۔

سری لنکا کی تیسری وکٹ 91 رنز پر گری ، اینجلو میتھیوز 7 رنز بنا کر نعمان علی کی گیند پر آؤٹ ہوئے، میزبان ٹیم کے چوتھے کھلاڑی 99 رنز پر آؤٹ ہوئے، نشان مدوشکا 52 رنز بنا کر آؤٹ ہوئے تھے، انہیں بھی نعمان علی نے آؤٹ کیا۔

 سری لنکا کی پانچویں وکٹ 159 رنز پر گری ، دنیش چندیمل کو 28 رنز پر آغا سلمان نے آؤٹ کیا، سری لنکا کی چھٹی وکٹ 175 گری، سدیرا سماراوکرما کو آغا سلمان نے 11 رنز پر آؤٹ کیا، رمیش مینڈس کی صورت میں میزبان ٹیم کی ساتویں وکٹ گری، جن کو ابرار احمد نے 42 رنز پر آؤٹ کیا۔

سری لنکا کے کپتان دیموتھ کرونارتنے 6 اور نشان مدوشکا نے 8 رنز کے ساتھ چوتھے دن کے کھیل کا آغاز کیا تھا۔

پہلی اننگز میں پاکستان ٹیم 461 رنز بنا کر آؤٹ ہوگئی تھی، مڈل آرڈر بیٹر سعود شکیل نے 208 رنز کی ناقابلِ شکست اننگز کھیلی، جس کے ساتھ ہی قومی ٹیم کو ہوم ٹیم پر 149 رنز کی برتری حاصل ہو گئی تھی۔