ایمرجنگ ایشیا کپ جیتنے والی پاکستانی اے ٹیم وطن واپس پہنچ گئی

لاہور(اُمت نیوز)روایتی حریف بھارت کو ایمرجنگ ایشیا کپ کے فائنل میں شکست دینے والی پاکستان اے ٹیم وطن واپس پہنچ گئی ہے ۔
تفصیلات کے مطابق بھارت سورماؤں کو فائنل میں عبرت ناک شکست دینے والی پاکستان کی اے ٹیم گزشتہ شب لاہور ایئر پورٹ پر پہنچی،غیر ملکی ایئر لائن کے ذریعے 3 کھلاڑی لاہور پہنچے جن میں طیب طاہر ،قاسم اورعماد بٹ شامل ہیں ، ایئر پورٹ پر طیب طاہر کی سالگرہ کا کیٹ بھی کاٹا گیا،طیب طاہر نے فائنل میں سنچری مکمل کی تھی،طیب طاہر نے روایتی حریف بھارت کو ہرانے میں اہم کردار ادا کیا۔
2کوچ بھی لاہور ایئرپورٹ پر کھلاڑیوں کےہمراہ پہنچے ہیں،ایئرپورٹ پر کھلاڑیوں کاپرتپاک استقبال کیا گیا، فائنل میں پاکستان کی جیت میں کلیدی کردار ادا کرنے والے طیب طاہر کا کہنا تھا کہ انہوں نے صرف ایک بات دماغ میں تھی کی وکٹ پر رہنا ہے اور زیادہ سے زیادہ اسکور کرنا ہے،طیب طاہر نے کہا کہ جس میچ کو سب دیکھنا چاہتے تھے اس میچ میں اللّٰہ نے ہمیں کامیاب کیا۔