ضلع خیبر،جنوبی وزیرستان میں فورسز کا کامیاب آپریشن،3 دہشتگرد مار گرائے

راولپنڈی : خیبر اور جنوبی وزیرستان کے ضلع میں سیکیورٹی فورسز کی کامیاب کارروائی 3 دہشتگرد مار گرائے۔ پاک فوج کے شعبہ تعلقات عامہ( آئی ایس پی آر) کے مطابق 27 جولائی کو خیبر کے علاقے باغ میں سیکیورٹی فورسز اور دہشت گردوں کے درمیان فائرنگ کا تبادلہ ہوا۔ پاک فوج کے شعبہ تعلقات عامہ (آئی ایس پی آر) کی جاری پریس ریلیز کے مطابق27 جولائی کو خیبر ضلع کے علاقے باغ میں سیکیورٹی فورسز اور دہشت گردوں کے درمیان فائرنگ کا تبادلہ ہوا،سیکیورٹی فورسز نے موثر طریقے سے دہشت گردوں کے گرد گھیرا تنگ کیا جس کے نتیجے میں ایک دہشت گرد مارا گیا، ہلاک دہشت گرد سے اسلحہ اور گولہ بارود بھی برآمد ہوا ہے۔

28 جولائی کو جنوبی وزیرستان کے علاقے گومل زام میں سیکیورٹی فورسز اور دہشت گردوں کے درمیان ایک اور مقابلے میں 2 دہشت گرد مارے گئے۔  مارے گئے دہشت گرد سیکیورٹی فورسز کے خلاف دہشت گردانہ کارروائیوں کے ساتھ ساتھ معصوم شہریوں کے قتل میں بھی ملوث ہیں۔دآئی ایس پی آر  کے مطابق دیگر دہشتگردوں کے خاتمے کیلئے علاقے میں کلیئرنس آپریشن جاری ہے ۔علاقہ مکینوں نے آپریشن کو سراہا اور دہشت گردی کی لعنت کے خاتمے کے لیے بھرپور تعاون کا اظہار کیا ہے۔