پنجاب میں اسکولوں میں کل سے اتوار تک چھٹیوں کا اعلان

لاہور: پنجاب میں آشوب چشم کے مریضوں کی تعداد میں اضافہ پر تعلیمی اداروں میں کل سے اتوار تک چھٹیوں کا اعلان کردیا گیا۔

نجی ٹی وی چینل کے مطابق  آنکھوں کے وائرس کے باعث نجی اور سرکاری اسکولوں میں جمعرات اور ہفتہ کو عام تعطیل کااعلان  کردیا گیا،جمعہ کے روز عیدمیلادالنبیﷺ کی چھٹی ہو گی ،اتوار کی ہفتہ وار چھٹی کے بعد سوموار کو دوبارہ اسکول کھلیں گے،سوموار کو صبح تمام اسکولوں کے باہر بچوں کو داخلے کے وقت اساتذہ چیک کریں گے۔

وزیراعلیٰ پنجاب محسن نقوی نے کہاکہ جن بچوں میں آشوب چشم کی شکایت ہوئی ان کو واپس گھروں کو بھیجا دیا جائے،چھٹیوں کا اطلاق پورے صوبے میں ہوگا۔