شاہ فیصل کالونی میں 2 ڈاکو شہریوں کے ہتھے چڑھ گئے

کراچی: شاہ فیصل کالونی نمبر 3 میں 2 ڈاکو شہریوں کے ہتھے چڑھ گئے، دونوں ڈاکوؤں کو کھمبے سے باندھ عوام نے تشدد کا نشانہ بنایا اور پولیس کے حوالے کردیا۔

کراچی کے علاقے شاہ فیصل کالونی نمبر 3 میں 2 ڈاکو شہریوں کے ہتھے چڑھ گئے، شہریوں نے دونوں ڈاکوؤں کو کھمبے سے باندھ تشدد کا نشانہ بنانے کے بعد میں پولیس کے حوالے کردیا۔

عینی شاہدین کا کہنا ہے کہ ڈاکوؤں شہریوں سے لوٹ مار کر رہے تھے، راہگیر خاتون سے لوٹ مار کی کوشش کی، تو خاتون نے مزاحمت کردی، جس پر ڈاکوئوں نے فائرنگ بھی کی، تاہم خوش قسمتی سے خاتون کی جان بچ گئی۔

پولیس کے مطابق ڈاکو تین نمبر ہاجرہ آباد پر لوٹ مار کررہے تھے، کہ عوام کے ہاتھ لگ گئے، عوام نے ان کی خوب درگت بنائی، پولیس نے موقع پر پہنچ کر ملزمان کو گرفتار کرلیا اور ان کے قبضے سے اسلحہ، لوٹا ہوا سامان اور موٹرسائیکل برآمد کرلیا۔