پی آئی اے کا آپریشن مکمل طورپر بحال نہیں ہوسکا

کراچی : قومی ایئرلائنز(پی آئی اے) کا آپریشن مکمل طورپربحال نہیں ہوسکا،پی آئی اے ذرائع کے مطابق اتوارکو 14 پروازیں منسوخ ہوئیں جبکہ ایندھن بحران کے باعث 19 روزمیں 788 پروازیں منسوخ ہوچکی ہیں،کراچی سے سکھرپی کے536،پی کے 537 اورکراچی سے گوادر پی کے 503 اورپی کے 504 جبکہ کراچی سے دبئی پی کے 213 منسوخ ہوئی،اسی طرح مسقط سے کراچی پی کے 226،اسلام آباد سے سکھرپی کے 631 اورپی کے 632 جبکہ اسلام آباد سے کوئٹہ پی کے 325 اورپی کے 326 اوراسلام آباد سے دبئی پی کے 233 کی پروازیں اڑان نہ بھرسکیں،پی آئی اے ذرائع کے مطابق فیصل آباد سے دبئی 224،پشاورسے مسقط 259 اوردبئی سے پشاور284 کی پروازیں بھی روانہ نہ ہوئیں۔