ٹانک،کلاچی: دہشتگردوں کا 2پولیس چوکیوں پر حملہ،2اہلکار زخمی

ڈیرہ اسماعیل خان: دہشتگردوں کا 2مختلف پولیس چوکیوں پر حملہ ، 2پولیس اہلکار زخمی ہوگئے۔ تفصیلات کے مطابق ٹانک میں پولیس چوکی گل امام پر نامعلوم شرپسندوں کے حملے میں پولیس کانسٹیبل وحید گل زخمی ہوگیا، ٹانک پولیس کے جوانوں نے حملہ پسپا کردیا، زخمی جوان کو فورا ًاسپتال منتقل کردیا گیا۔ دریں اثناء ڈیرہ اسماعیل خان میں کلاچی تھانہ کی حدود میں واقع پولیس چیک پوسٹ روھڑی پربھی دہشتگردوں کا حملہ ، جس میں سپاہی میرسلیم زخمی ہوگیا۔ پولیس کے مطابق پولیس چوکی کے جوانوں کے جوابی کارروائی میں دہشت گرد فرار ہوگئے.
دوسری جانب لکی مروت کے علاقے کوٹکہ نور خان ورگاڑی میں بارودی مواد سے دھماکہ کے نتیجے میں 2 بھائی جاں بحق، والد اور والدہ کو زخمی حالت میں اسپتال منتقل کر دیا گیا۔ نجی ٹی وی کے مطابق پولیس حکام نے بتایا کہ لکی مروت میں ہونے والے دھماکے کے نتیجے میں 2 بھائی جاں بحق، والد اور والدہ زخمی میں ہیں جنھیں قریبی اسپتال منتقل کر دیا گیا۔ جاں بحق ہونے والوں میں 5سالہ بچہ بھی شامل ہے۔ پولیس حکام نے بتایا کہ متاثرہ افراد کھیت میں کام کر رہے تھے ،زیرزمین بارودی مواد کا دھماکا ہوگیا۔ جس سے ایک ہی خاندان کے دو بیٹے شہید ہوگئے ہیں اور ماں کی باپ کی حالت تشوشناک ہے۔ تاہم ابھی تک دھماکے کی نوعیت کا اندازہ نہیں ہوسکا ہے۔