غزہ میں چار روزہ جنگ بندی کا آغاز آج صبح 7 بجے سے ہوگا، قطر

دوحا : قطر ی وزارت خارجہ کے ترجمان نے کہا کہ انسانی بنیادوں پر عارضی جنگ بندی کا آغاز آج جمعہ کی صبح 7 بجے سے ہوگا۔ شام 4 بجے زیرحراست افراد کا پہلا بیچ رہا کردیا جائے گا۔

قطری وزارت خارجہ کے ترجمان ماجد الانصاری نے دوحہ میں پریس کانفرنس کرتے ہوئے بتایا کہ غزہ میں جمعہ کے روز مقامی وقت کے مطابق 7 بجے سیز فائر ہو جائے گا، شام 4 بجے سے یرغمالیوں کی رہائی کا سلسلہ شروع ہوگا۔

ترجمان قطری وزارت خارجہ کے مطابق پہلے روز 13 یرغمالیوں کو رہا کیا جائے گا، چار دنوں کے اندر 50 یرغمالیوں کی رہائی ممکن بنائی جائے گی، جنگ بندی کے فوری بعد ہی غزہ میں انسانی امداد کاسلسلہ شروع ہو جائے گا۔ واضح رہے کہ غزہ میں4 روزہ سیز فائر پاکستانی وقت کے مطابق صبح 10 بجے شروع ہوگا۔