بالاکوٹ: جیپ کھائی میں جاگری، جنرل کونسلر سمیت 2 افراد جاں بحق

بالاکوٹ: بالاکوٹ میں گھنول تھانواں کےمقام پر جیپ کھائی میں گر گئی۔

ریسکیو حکام کے مطابق جیب کھائی میں گرنے کے نتیجے میں مقامی جنرل کونسلرعلی زمان ساکں تھانواں گھنول اور ڈراٸیور سجاد نلہ گھنول موقع پر جاں بحق ہوگئے۔

ریسکیو حکام کا کہنا ہے کہ حادثے میں دو افراد محمد آصف اور شفیق شدید زخمی ہوگئے  جب کہ لاشوں اور زخمیوں کو اسپتال منتقل کردیا گیا۔

حادثہ گھنول تھانواں کے پاس کلس کے مقام پر پیش آیا جیپ گھنول سے بالاکوٹ کی طرف جاری تھی اور فنی خرابی کی وجہ سے جیپ ڈراٸیور سے بے قابو ہوکر کھائی میں جا گری۔