دادو میں رینجزر کی گاڑی پر فائرنگ، دو اہلکار زخمی

دادو (اُمت نیوز)دادو میں ہیتم جتوئی پھاٹک کے مقام پر رینجرز کی گاڑی پر نامعلوم افراد کی جانب سے فائرنگ کا واقعہ پیش آیا ہے۔

ایس ایس پی دادو شبیر سیٹھار کے مطابق فائرنگ سے رینجرز کے دو اہلکار زخمی ہوگئے جبکہ فائرنگ کے بعد موٹرسائیکل سوار ملزمان فرار ہوگئے۔

ایس ایس پی دادو کا کہنا تھا کہ زخمی اہلکاروں کو ابتدائی طبی امداد کے بعد حیدرآباد منتقل کر دیا گیا ہے۔

انہوں نے کہا کہ رینجرز کے زخمی اہلکاروں لانس نائیک شریف اور ڈرائیور عثمان کی حالت خطرے سے باہر ہے۔