سابق وفاقی وزیرخزانہ،سینئر سیاستدان سرتاج عزیز انتقال کر گئے

اسلام آباد:  پاکستان کے سابق وفاقی وزیرخزانہ اورسینئر سیاستدان سرتاج عزیز انتقال کرگئے۔ان کی عمر 95سا ل تھی۔وہ 7فروری 1929کو متحدہ ہندوستان میں پیدا ہوئے۔ انکا شمار ن لیگ کے سرگرم رہنمااور نوازشریف کے قریبی ساتھیوں میں ہوتا ہے۔ اللہ تعالی مرحوم کے لواحقین کو صبر جمیل عطا فرمائے۔ ان کے انتقال کے حوالےسےن لیگ کے سیکرٹری جنرل احسن اقبال نے سوشل میڈیا پر پیغام جار ی کیا۔

احسن اقبال نے کہاکہ سرتاج عزیز تحریک پاکستان کے تجربہ کار کارکن اورپاکستان کیلئے قوم کا عظیم اثاثہ تھے۔قوم کیلئے ان کی خدمات کو ہمیشہ یاد رکھاجائے گا۔مجھے ان کے ساتھ بہت قریب سے کام کرنے کااعزاز حاصل ہے۔ اپنے پیغام میں احسن اقبال نےمزید لکھاکہ سرتاج عزیز1952 سے 1971تک سول بیوروکریسی میں بھی اپنی خدمات سرانجام دیتے رہے۔