مخالفین کو گھرمیں گھس کر ماریں گے، بلاول بھٹو

لاہور: چیئرمین پیپلزپارٹی بلاول بھٹو نے کہا ہے کہ لاہور نہ کسی بزنس مین کا ہے نہ کھلاڑی کا، لاہور شہید ذوالفقار لی بھٹو کا ہے۔ وہ پوچھتے ہیں ہم کیوں آئے ہیں، وہ جنرل ضیاءالحق کی وجہ سے پنجاب پر مسلط ہوئے ہیں۔ لاہور میں ان کا مقابلہ کریں گے اور گھرمیں گھس کر ماریں گے

لاہور کے حلقہ این اے 127 میں کارنر میٹنگ سے خطاب کرتے ہوئے چیئرمین پیپلزپارٹی بلاول بھٹو کا کہنا تھا کہ لاہور کسی کھلاڑی اور بزنس مین کا شہر نہیں، ذوالفقار علی بھٹو شہید کا شہر ہے، اور میں اپنے شہر سے الیکشن لڑرہا ہوں، آپ نے گھر گھرپارٹی کا پیغام پہنچانا ہے۔

بلاول بھٹو کا کہنا تھا کہ پنجاب کے ہر ضلع میں مفت علاج کے ادارے بنائیں گے۔ مفت تعلیم اور مفت صحت کی سہولت دیں گے۔ سولر کی صورت میں 300 یونٹ مفت بجلی فراہم کریں گے۔ 30 لاکھ گھر بنا کر دیں گے اور خواتین کو مالکانہ حقوق دیے جائیں گے۔ جب بڑے لوگ بیمار پڑیں گے تو انہیں لندن جانے کی ضرورت نہیں رہے گی۔

انہوں نے کہا کہ لاہور نہ کسی بزنس مین کا ہے نہ کھلاڑی کا، لاہور شہید ذوالفقار علی بھٹو کا ہے۔ وہ پوچھتے ہیں ہم کیوں آئے ہیں، وہ جنرل ضیاءالحق کی وجہ سے پنجاب پر مسلط ہوئے ہیں۔ لاہور میں ان کا مقابلہ کریں گے اور گھرمیں گھس کر ماریں گے۔ ہم الیکشن لڑنے کیلیے کہیں اور نہیں دیکھ رہے بلکہ عوام کی جانب دیکھ رہے ہیں۔