شمالی وزیرستان میں شہید حوالدارمحمد ظاہراعزازکیساتھ سپرد خاک

راولپنڈی: شمالی وزیرستان میں شہید ہونے والے حوالدار محمد ظاہر کی نماز جنازہ ادا کر دی گئی۔ پاک فوج کے شعبہ تعلقات عامہ (آئی ایس پی آر) کے مطابق 41 سالہ حوالدار محمد ظاہر کی نماز جنازہ ان کے آبائی گاؤں مردان میں ادا کی گئی، شہید کو پورے فوجی اعزاز کے ساتھ سپردخاک کیا گیا، نماز جنازہ میں سینئر حاضر سروس فوجی افسروں، شہید کے لواحقین، اہل علاقہ نے شرکت کی۔ آئی ایس پی آر کے مطابق مسلح افواج مادر وطن سے دہشت گردی کی لعنت کے خاتمے کیلئے پرعزم ہیں۔