پی ٹی آئی نے آج پھر ورچوئل جلسہ رکھ لیا

اسلام آباد(اُمت نیوز)پاکستان تحریک انصاف (پی ٹی آئی) کی جانب سے ایک بار پھر ورچوئل جلسے کا اعلان کردیا گیا ہے۔

پاکستان تحریک انصاف کی جانب سے اس کے نامزد امیدواروں کا ورچوئل کنونشن کیا جائے گا۔

پی ٹی آئی کی جانب سے جاری بیان میں کہا گیا ہے کہ اس ورچوئل کنونشن میں عوام امیدواروں سے سوالات کرسکیں گے۔

بیان میں کہا گیا کہ ’سوشل میڈیا پر عوام کی جانب سے پوچھے گئے سوالات کو براہ راست نشریات میں شامل کرکے امیدواروں سے پوچھا جائے گا‘۔

ترجمان پی ٹی آئی کے مطابق ’براہِ راست نشریات کا وقت ہفتہ رات 8 بجے‘ ہے۔