ارب پتی برطانوی تاجر نے اسلام قبول کر لیا

لندن:  برطانیہ کےارب پتی کاروباری شخصیت ڈینی لیمبو دائرہ اسلام میں داخل ہو گئے۔ ڈینی لیمبو نے انسٹاگرام اکاؤنٹ پر اسلام قبول کرنے کا بتایا اور عمرے کی ادائیگی کی ویڈیو بھی شیئر کی۔ انہوں نے لکھا کہ آپ نہیں جانتے کہ زندگی آپ کو کس راستے پر لے کر جائے گی۔کاروبار کیلئے سعودی عرب گیا، کام جلدی ختم ہونے پرایک شخص مجھے مکہ مکرمہ لے گیا جہاں میرے نئے روحانی اور جذباتی سفر کا آغاز ہوا۔اب بطور نومسلم میری لندن واپسی ہوئی ہے۔ ویڈیو میں ڈینی کو خانہ کعبہ کے سامنے روتے ہوئے بھی دیکھا جا سکتا ہے۔ڈینی نوجوانی میں گلوکاری بھی کرتے رہے جبکہ بعد میں انہوں نے ہوٹل کے کاروبار میں نام بنایا۔