میہڑ: الیکشن کے روز 2 گروپس میں تصادم، فائرنگ، ایک جاں بحق

میہڑ(امت نیوز) عام انتخابات کے روز میہڑ کے قریب گاوں خان جو گوٹھ میں خواتین پولنگ اسٹیشن پر ووٹ پر 2 گروپس میں تصادم ہوا، ایک گروپ کے کارندوں کی فائرنگ سے شاہنواز خاصخیلی جاں بحق ہوگیا جب کہ رحمت چانڈیو شدید زخمی ہوگیا، جنہیں تشویشناک حالت میں لاڑکانہ اسپتال منتقل کیا گیا۔ بتایا جاتا ہے ووٹنگ میں سست رفتاری پر دونوں گروپس میں تلخ کلامی ہوئی، فائرنگ سے لوگوں میں بھگدڑ مچ گئی۔

ادھر خان پور میں قافلے پر حملے میں 4 افراد زخمی ہوئے، زخمیوں کا تعلق جی ڈی اے سے بتایا جارہا ہے، جنہیں لاڑکانہ اسپتال منتقل کیا گیا۔