ٹانک میں نامعلوم افراد کی فائرنگ سے پولیس اہلکار شہید

ٹانک (اُمت نیوز)ٹانک میں نامعلوم افراد کی فائرنگ سے ایک پولیس اہلکار شہید ہوگیا۔

تفصیلات کے مطابق ٹانک میں تھانہ گومل کی حدود میں فائرنگ کا واقعہ پیش آیا ہے، جہاں نامعلوم افراد کی فائرنگ سے ایک پولیس اہلکار شہید ہوگیا۔

واقعے کے بعد پولیس اور سیکیورٹی فورسز کی نفری جائے وقوعہ پر پہنچ گئی۔

ڈی پی او افتخار شاہ کے مطابق پولیس اہلکار گھر سے قریبی دکان جارہا تھا کہ نامعلوم ملزمان نے فائرنگ کردی۔