گوادر، بم ڈسپوزل اسکواڈ پر حملہ،2 سیکیورٹی اہلکار شہید،4 زخمی

گوادر: مسلح افراد نے بم ڈسپوزل سکواڈ کی گاڑی پر فائرنگ کی جس کے نتیجےمیں 2 اہلکار شہید، 4 زخمی ہو گئے۔

نجی ٹی وی کے مطابق افسوس ناک واقعہ آج (اتوار) کی صبح 9 بجے پیش آیا جب بم ڈسپوزل اسکواڈ کے اہلکار چوکیوں کی جانب گاڑی میں رواں دواں تھے کہ مسلح افراد نے فائر کھول دیا جس کے سبب 2 سیکیورٹی اہلکار شہید ہو گئے جبکہ 4 زخمی ہو گئے۔

اطلاع ملنے پر سیکیورٹی فورسز کی بھاری نفری نے علاقے کا محاصرہ کر لیا اور زخمیوں اور لاشوں کو ہسپتال منتقل کر دیا۔ شہید ہونیوالوں میں سپاہی ظہور اور الطاف شامل ہیں جبکہ سپاہی ساجد حسین، تجمل حسین، گل حیدر اور ابرار احمد ہسپتال میں زیر علاج ہیں۔