مادہ بنگال ٹائیگر پنجرہ توڑ کر بھاگ نکلی

ملتان میں مادہ بنگال ٹائیگر پنجرہ توڑ کر بھاگ نکلی، اس کو پکڑنے کے دوران 2 افراد زخمی ہو گئے۔

مادہ ٹائیگر کو غیر قانونی طور پر ایک جگہ سے دوسری جگہ منتقل کیا جا رہا تھا کہ موقع پا کر اس نے پنجرہ توڑا اور بھاگ گئی۔ وائلڈ لائف حکام کا کہنا ہے کہ بعد ازاں مادہ ٹائیگر کو ریسکیو کر کے محفوظ مقام پر منتقل کر دیا گیا تاہم اس دوران 2 افراد زخمی ہو گئے۔

محکمہ وائلڈ لائف کی جانب سے کہا گیا کہ ٹائیگر کی مالیت 50 لاکھ روپے اور عمر 2 سال ہے، معاملے کی تحقیقات شروع کر دیں، ملوث افراد کیخلاف کارروائی بھی شروع کر دی۔