شیر افضل مروت کی ایک شخص کو تھپڑ مارنے کی ویڈیو وائرل

اسلام آباد(اُمت نیوز)پاکستان تحریک انصاف (پی ٹی آئی) کی ریلی میں شیر افضل مروت کی ایک شخص کو تھپڑ مارنے کی ویڈیو وائرل ہوگئی۔

ویڈیو میں دیکھا گیا ہے کہ شیر افضل مروت کارکنوں کی بھیڑ میں پھنسے ہوئے ہیں اور ایسے میں وہ ایک شخص کو تھپڑ مارتے ہیں۔

شیر افضل مروت اس موقع پر غصے میں آگئے اور ساتھ کھڑے شخص کو تھپڑ مار دیا۔

شیر افضل مروت کا اپنے بیان میں کہنا ہے کہ ویڈیو میں نظر آنے والا شخص میرا ذاتی گارڈ ہے، دہشت گردی کے پیش نظر میرا گارڈ کہہ رہا تھا کہ گاڑی میں بیٹھ جاؤں۔

انہوں نے بتایا کہ میرا گارڈ ورکرز کو میرے پاس آنے پر دھکے دے رہا تھا، گارڈ کو میں نےمنع کیا کہ مجھے نہ کھینچے۔