پی ٹی آئی نے اسلام آباد میں جلسے کی نئی درخواست دے دی

اسلام آباد(اُمت نیوز)پاکستان تحریک انصاف نے اسلام آباد میں جلسے کی نئی درخواست دے دی۔

درخواست تحریک انصاف اسلام آباد کے صدر عامر مسعود مغل اور تحریک تحفظ آئین پاکستان کے سیکریٹری اخونزادہ حسین کی جانب سے دی گئی۔

درخواست میں کہا گیا ہے کہ روات شہر سے دور بھی ہے اور اس سے پہلے وہاں کبھی کوئی جلسہ نہیں ہوا، ہمیں لوگوں کو وہاں لے جانے میں دشواری ہے۔

درخواست کے مطابق روات کا راستہ بھی خراب ہے اور پارکنگ کا بھی کوئی خاص بندوبست نہیں ہے، اس سے پہلے اسلام آباد میں چار جگہوں پر جلسے ہوتے ہیں۔

درخواست کے مطابق ترنول، پشاور موڑ کشمیر ہائی وے، پریڈ گراؤنڈ اور ایف نائن پارک میں جلسے ہوئے ہیں، ہمیں ان چاروں میں سے کسی بھی جگہ پر جلسے کی اجازت دی جائے۔