کراچی؛ تیز رفتار گاڑیوں کی ٹکر سے باپ بیٹا سمیت 3 افراد جاں بحق

کراچی(اُمت نیوز) تیز رفتار گاڑیوں کی ٹکر سے باپ بیٹا سمیت 3 افراد جاں بحق ہوگئے ۔
تفصیلات کے مطابق حادثہ سپرہائی و ے اور نادرن بائی پاس پر پیش آیا۔ حادثے میں تین افراد جاں بحق ہو گئے ۔

پولیس کے مطابق گڈاپ سٹی کے علاقے سپر ہائی وے نجی رہائشی سوسائٹی کے انڈر بائی پاس کے قریب نامعلوم گاڑی کی ٹکر سے موٹرسائیکل سوار ایک شخص جاں بحق ہوگیا ، جس کی لاش عباسی شہید اسپتال منتقل کی گئی ۔
جاں بحق ہونے والے شخص کی شناخت محمد آصف کے نام سے کی گئی۔
دوسری جانب گلشن معمار کے علاقے ناردرن بائی پاس افغان کٹ کے قریب تیز رفتار گاڑی کی ٹکر سے موٹرسائیکل سوار 2 افراد جاں بحق ہوگئے ، جن کی لاشیں عباسی شہید اسپتال منتقل کی گئیں۔ پولیس کے مطابق جاں بحق ہونے والوں کی شناخت 20 سالہ ظہور احمد ولد اسماعیل اور 52 سالہ اسماعیل ولد دوست محمد کے ناموں سے کی گئی ۔ دونوں جاں بحق ہونے والے باپ بیٹا تھے ۔