کوئٹہ،طلباء کو منشیات فروخت کرنیوالے ملزمان گرفتار

کوئٹہ(اُمت نیوز)اینٹی نارکوٹکس فورس نے کوئٹہ میں منیر احمد روڈ سے 2 ملزمان کو گرفتار کر لیا۔

ترجمان اے این ایف کے مطابق ملزمان سے 8 کلو چرس اور 160 گرام ویڈ برآمد کی گئی ہے۔

دوسری کارروائی میں ملزم سے 1 کلو 625 گرام آئس اور 400 نشہ آور گولیاں برآمد کی گئیں۔

گرفتار ملزمان نے طلباء کو منشیات فروخت کرنے کا اعتراف کیا ہے۔

ترجمان اے این ایف کے مطابق مستونگ میں لکپاس کے قریب سے ملزم کو گرفتار کیا گیا ہے جس سے ڈیڑھ کلو ہیروئن اور 2 کلو آئس برآمد ہوئی ہے۔

علاوہ ازیں حب ریور روڈ پر کارروائی میں 500 گرام آئس برآمد کی گئی۔