مظفرآباد ، گاڑی گہری کھائی میں جاگری، 6 افراد جاں بحق

آزادکشمیر: مظفرآباد کی تحصیل پٹہیکہ کے نواحی علاقے کیل گراں مجہوتر میں مسافر بردار گاڑی گہری کھائی میں گرنے سے 6 افراد جاں بحق ہوگئے ۔

افسوسناک حادثے میں گاڑی موجود 6 افراد جاں بحق ہوگئے جبکہ 1 زخمی ہوا ہے ۔ حادثے کی اطلاع ملتے ہی مقامی لوگوں نے امدادی کارروائیاں شروع کردیں جبکہ تحصیل ہیڈکوارٹر نصیر آباد سے ریسیکیو 1122 کی ٹمییں بھی جائے حادثہ پہنچ گئیں ۔

ریسکیو 1122 کےمطابق مقامی لوگوں نے زخمی ہونے والے کو قریبی ہسپتال منتقل کردیا اور جاں بحق افراد کی لاشیں بھی جائے حادثہ سے منتقل کردی گئیں۔ حادثے کا شکار ہونے والی مسافر جیپ مکمل تباہ ہو گئی۔