آل راؤنڈر عماد وسیم نے پھرریٹائرمنٹ کا اعلان کردیا

کراچی: پاکستان کرکٹ ٹیم کے آل راؤنڈر عماد وسیم نے انٹر نیشنل کرکٹ سے ریٹائرمنٹ کا اعلان کردیا جبکہ انہوں نے سوشل میڈیا پر اپنی ریٹائرمنٹ کا اعلان کیا۔

عماد وسیم نے سوشل میڈیا پر جاری پیغام میں لکھا کہ  بڑی سوچ بچار کے بعد انٹرنیشنل کرکٹ سے ریٹائرمنٹ کا فیصلہ کیا ہے ، پاکستان کی نمائندگی کرنا میری زندگی کا بہت بڑا اعزاز ہے ۔

عماد وسیم نے اپنی پوسٹ میں مزید لکھا کہ میں ڈومیسٹک اور فرنچائز کرکٹ میں اپنا سفر جاری رکھوں گا۔

یاد رہے کہ عماد وسیم نے ٹی 20 ورلڈ کپ سے قبل ریٹائرمنٹ واپس لی تھی۔