پشاور میں گداگری منظم منصوبہ بندی کے تحت چلنے کا انکشاف

پشاور میں گداگری منظم منصوبہ بندی کے تحت چلنے کا انکشاف
پشاور میں بھی گداگری منظم منصوبہ بندی کے تحت چلنے کا انکشاف ہوا ہے۔

شہر میں گداگروں کے خلاف آپریشن جاری ہے، اس حوالے سے کمشنر آفس کی جانب سے کہا گیا ہے کہ گداگری کے دھندے میں ملوث 24 ٹھیکے داروں کی نشاندہی کرلی گئی ہے۔

کمشنر آفس کے مطابق ٹھیکے داروں کی گرفتاری کے لیے کارروائیاں شروع کردی گئی ہیں۔

گداگری کے خلاف آپریشن میں تقریباً 120 گداگروں کوحراست میں لے لیا گیا ہے۔

کمشنر آفس کے مطابق زیرِ حراست گداگروں میں 70 خواتین اور بچے بھی شامل ہیں۔