لیہ میں حادثہ، 3 سگے بھائیوں سمیت 4 افراد جاں بحق

lیہ کوٹ ادو روڈ پر ٹریفک حادثے میں 3 سگے بھائیوں سمیت 4 افراد جاں بحق ہو گئے۔

نجی ٹی وی  نے ریسکیو ذرائع کے حوالے سے بتایا کہ کوٹ ادو روڈ پر عزیز فارم کے قریب کنکریٹ سے لوڈ ٹریکٹر ٹرالی ٹرک کے ساتھ ٹکرا کر الٹ گئی۔
ریسکیو حکام کا کہنا ہے کہ ٹریکٹر ٹرالی الٹنے سے اس کے اوپر بیٹھے 4 افراد دب کر جاں بحق ہو گئے جبکہ ایک کو بچا لیا گیا۔

ریسکیو ذرائع کے مطابق حادثے میں 3 سگے بھائیوں سمیت 4 افراد جاں بحق ہوئے، تمام افراد کا تعلق چوک سرور شہید کے نواحی علاقے سے ہے۔