انڈونیشیا میں 53 قیدی جیل توڑ کر فرار

جکارتا: انڈونیشیا میں 53 قیدی جیل توڑ کر فرار ہوگئے جس کے بعد پولیس نے فوری ایکشن لیتے ہوئے 21 قیدیوں کو گرفتار کرلیا جبکہ 32 تاحال مفرور ہیں۔

غیر ملکی میڈیا رپورٹ کے مطابق انڈونیشیا کی جیل سے فرار ہونے والے قیدیوں نے پولیس کی دوڑیں لگوا دیں، پولیس نے فوری کارروائی کرتے ہوئے 21 قیدیوں کو دوبارہ گرفتار کرلیا۔

رپورٹ کے مطابق جیل سے قیدیوں کے فرار ہونے کی ممکنہ وجہ جیل میں گنجائش سے زیادہ قیدیوں کی موجودگی بتائی جارہی ہے۔رپورٹ میں بتایا گیا کہ جیل میں 100 قیدیوں کی گنجائش ہے تام مقامی کے مطابق اُس وقت وہاں 368 مجرم قید تھے۔