سوشل میڈیا پر انتشار پھیلانے کا الزام ، رؤف حسن اور شبلی فراز جے آئی ٹی کے سامنے پیش

اسلام آباد: سوشل میڈیا پر انتشار پھیلانے کے الزام میں پاکستان تحریک انصاف (پی ٹی آئی) کے رہنما جے آئی ٹی کے سامنے پیش ہو گئے۔

ذرائع کے مطابق جے آئی ٹی کی جانب سے پی ٹی آئی رہنماؤں کو سوشل میڈیا پر انتشار پھیلانے کے الزام میں دوبارہ طلب کیا گیا تھا، جس پر رؤف حسن اور شبلی فراز جے آئی ٹی کے سامنے آج پیش ہو گئے۔

ان کے علاوہ جے آئی ٹی نے عالیہ حمزہ، ارسلان خالد کو بھی آج گیارہ بجے طلب کررکھاہے۔

ذرائع کے مطابق پی ٹی آئی رہنما رؤف حسن سے ایک گھنٹے سے زائدوقت سے تفتیش جاری ہے جبکہ سینیٹ میں قائد حزب اختلاف شبلی فراز سے بھی نصف گھنٹے سے تفتیش کا عمل جاری ہے۔

تفتیش کے دوران جے آئی ٹی نے سوال کیا کہ پی ٹی آئی کے سوشل میڈیا اکاوئنٹس کون چلاتا ہے؟ بیرون ملک سے چلنے والے اکاوئنٹس پارٹی اکاوئنٹس ہیں یا پرائیوٹ؟ پی ٹی آئی سوشل میڈیا اکاوئنٹس کو ریاست مخالف بیانیہ، مواد کون فراہم کرتا ہے؟

جے آئی ٹی نے سوال کیا کہ کیا آپ ان اکاوئنٹس سے چلنے والے ریاست مخالف بیانیہ کی مذمت کرتے ہیں؟ آئی جی کی سربراہی میں بننے والی جے آئی ٹی نے آپ سے کیا سوالات کیے؟