فلسطین ایکشن کا برطانوی کے2 طیاروں کو نقصان پہنچانے کا دعویٰ

لندن: فلسطین کے حمایتی مظاہرین کی جانب نے دعویٰ کیا ہے انہوں نے انگلینڈ کے علاقے ’برائز نورٹن‘ میں رائل ایئرفورس (آر اے ایف) کے طیاروں کو نقصان پہنچایا ہے۔

بین الاقوامی میڈیا رپورٹس کے مطابق فلسطین ایکشن کے دو کارکنوں نے دعویٰ کیا کہ انہوں نے دو ووئجرز ایئربس کے انجنز میں سرخ رنگ کا چھڑکاؤ کیا ہے۔

دوسری جانب فلسطین کے حامی مظاہرین نے دعویٰ کیا ہے کہ انہوں نے آر اے ایف کے سب سے بڑے اسٹیشن ’برائز نورٹن‘ میں گھس کر توڑ پھوڑ کی ہے اور دو فوجی طیاروں کو نقصان پہنچایا ہے۔

فلسطینی حامی احتجاجی نیٹ ورک ’فلسطین ایکشن‘ نے مزید کہا کہ ان کے دو کارکنوں نے آکسفورڈ شائر میں آر اے ایف کے اڈے میں گھس کر دو ایئربس ووئجر طیاروں کے انجنوں میں سرخ پینٹ چھڑکا ہے۔

جمعے کی صبح فلسطین ایکشن کی جانب سے پوسٹ کی گئی ویڈیو فوٹیج میں دو افراد کو اڈے کے رن وے کو عبور کرنے کےلیے الیکٹرک اسکوٹر استعمال کرتے ہوئے دکھایا گیا ہے۔

فلسطین ایکشن گروپ نے کہا کہ اس کے کارکنوں نے ہوائی جہازوں کے ٹربائن انجنوں میں پینٹ سپرے کرنے کےلیے آگ بجھانے والے آلات کا اور مزید نقصان پہنچانے کےلیے کراؤ بارز کا استعمال کیا۔

غیر ملکی میڈیا رپورٹس کے مطابق فلسطین کے حمایتی گروپ نے رن وے پر سرخ رنگ کا اسپرے کیا اور اڈے سے فرار ہونے سے پہلے فلسطینی پرچم لہرایا اور وہیں چھوڑ کر فرار ہو گئے۔

ووئجرز ایئربس کسے کہتے ہیں؟

Voyagers ہوا سے ہوا میں ایندھن بھرنے اور ٹرانسپورٹ طیاروں کو کہا جاتا ہے، یہ طیارے آسمان میں پیٹرول اسٹیشن کے طور پر کام کرتے ہیں۔

ان طیاروں میں 109 ٹن تک ایندھن لے جانے کی صلاحیت ہوتی ہے جو لڑاکا اور بھاری ہوائی جہاز دونوں میں ایندھن بھرنے کےلیے استعمال کیے جاتے ہیں۔

برطانوی وزیر دفاع نے سیکیورٹی پر نظرثانی کا حکم دیدیا

ادھربرطانیہ کے وزیر دفاع نے اڈے پر فلسطینیوں کے حامی مظاہرے کے بعد سیکیورٹی پر نظرثانی کا حکم دیا۔

جان ہیلی کا کہنا ہے کہ انہوں نے فلسطینی حامی کارکنوں کی طرف سے رائل ایئر فورس (RAF) کے اڈے میں گھس کر دو فوجی طیاروں کو نقصان پہنچانے کے بعد تحقیقات کا حکم دیا ہے۔

برطانوی وزیر دفاع نے برائز نورٹن اڈے پر کارروائی کے بعد سوشل میڈیا پوسٹ میں کہا، "آر اے ایف طیاروں کی توڑ پھوڑ مکمل طور پر ناقابل قبول ہے۔”

ہیلی نے یہ بھی کہا کہ اس نے واقعے کے بعد اڈوں پر وسیع تر سکیورٹی کا جائزہ لینے کا حکم دیا تھا، اور مزید کہا کہ وہ "واقعی پریشان ہیں کہ ایسا ہوا”۔

انہوں نے کہا، "یہ [احتجاج] غزہ یا مشرق وسطیٰ میں امن اور استحکام کے لیے ہمارے دباؤ کی حمایت کرنے کے لیے کچھ نہیں کرتا،” انہوں نے کہا۔

مہم گروپ فلسطین ایکشن نے کہا کہ اس کے کارکنوں نے اسرائیل کے لیے برطانیہ کی حمایت کے خلاف احتجاج کرنے کے لیے دو فوجی طیاروں پر سرخ پینٹ کا چھڑکاؤ کیا اور کوکھوں سے مزید نقصان پہنچایا۔