برطانیہ کا ایران سے سفارت خانے کے عملے کو واپس بلانے کا اعلان

لندن: برطانیہ نے ایران سے اپنے سفارت خانے کے عملے کو واپس بلانے کا اعلان کر دیا۔

برطانیہ کا کہنا ہے کہ وہ موجودہ سیکیورٹی صورتحال کے پیشِ نظر تہران میں اپنے سفارت خانے سے اپنے عملے کو واپس بلا رہا ہے۔

برطانیہ کے دفترِ خارجہ نے ایک بیان میں کہا ہے کہ ’ہم نے ایران سے اپنے برطانوی عملے کو عارضی طور پر واپس بلانے کے لیے احتیاطی اقدامات کیے ہیں۔ ہمارا سفارت خانہ دور سے کام کر رہا ہے۔‘