ایرانی وزیر خارجہ کا ہنگامی دورے پر روس جانے کا اعلان

استنبول : ایرانی وزیر خارجہ عباس اراقچی کا کہنا ہے کہ وہ پیوٹن کے ساتھ ’سنجیدہ مشاورت‘ کے لیے روس جا رہے ہیں۔

ایرانی وزیر خارجہ کا کہنا ہے کہ وہ آج ماسکو جائیں گے اور پیر کو روسی صدر ولادیمیر پوتن سے ملاقات کریں گے۔ انہوں نے استنبول میں نیوز کانفرنس کرتے ہوئے کہا کہ روس ایران کا دوست ہے اور ہم اسٹریٹجک شراکت داری سے لطف اندوز ہوتے ہیں۔

انھوں نے کہاکہ "ہم ہمیشہ ایک دوسرے سے مشورہ کرتے ہیں اور اپنی پوزیشنوں کو مربوط کرتے ہیں،” اراقچی نے کہا کہ روس JCPOA کے دستخط کنندگان میں سے ایک ہے۔ "میں کل روسی صدر کے ساتھ سنجیدہ مشاورت کروں گا اور ہم ایک دوسرے کے ساتھ کام جاری رکھیں گے۔”