عالمی اور مقامی مارکیٹوں میں سونا مزید مہنگا ہوگیا

کراچی: سونا عالمی اور مقامی مارکیٹوں میں مزید مہنگا ہوگیا۔

 صرافہ مارکیٹوں میں 24 قیراط کے حامل فی تولہ سونے کی قیمت بھی 1200روپے کے اضافے سے 3لاکھ 77ہزار 900روپے کی نئی بلند ترین سطح پر آگئی جب کہ فی 10 گرام سونے کی قیمت 1029روپے بڑھ کر 3لاکھ 23ہزار 988روپے کی نئی بلند ترین سطح پر پہنچ گئی ہے۔

دوسری جانب مقامی بین الاقوامی بلین مارکیٹ میں فی اونس سونے کی قیمت میں 12ڈالر کا اضافہ ہونے سے نئی قیمت 3ہزار 552ڈالر فی اونس کی نئی بلند سطح پر  پہنچ گئی ہے۔