روس کا یوکرین پر ایک اور حملہ، 4 افراد ہلاک، 27 زخمی

کیف: روس کی جانب سے یوکرین کے دارالحکومت کیف پر حملے کے نتیجے میں4 افراد ہلاک جبکہ 27 زخمی ہو گئے ۔

حکام کا کہنا ہے کہ گذشتہ رات ملک کے مختلف ریجنز بشمول زاپورزہیا پر 500 ڈرون اور 40 سے زیادہ میزائل استعمال ہوئے جس میں 3 بچوں سمیت 16 افراد کے زخمی ہونے کی اطلاعات ہیں۔

یوکرین کی وزارتِ خارجہ نے دعویٰ کیا کہ تازہ حملے میں سینکڑوں ڈرون اور میزائل استعمال کیے گئے ہیں۔ روس نے فی الحال اس پر کوئی تبصرہ نہیں کیا ہے۔

سنیچر کے روز یوکرین کے صدر ولادیمیر زیلنسکی نے خبردار کیا تھا کہ روس صرف ان کے ملک پر حملہ کر کے نہیں رکے گا۔ انھوں نے دعویٰ کیا کہ اس ہی لیے روس نیٹو میں مختلف ممالک کی فضائی حدود کی خلاف ورزی کر کے ان کی فضائی طاقت جانچ رہا ہے۔

تاہم سنیچر کے روز اقوامِ متحدہ سے خطاب کرتے ہوئے روسی وزیرِ خارجہ سرگئی لاوروف کا کہنا تھا کہ ان کا ملک یورپی یونین یا نیٹو کے رکن ممالک پر حملہ کرنے کا کوئی ارادہ نہیں رکھتا، لیکن ماسکو کے خلاف کسی بھی ’جارحیت‘ پر ’فیصلہ کن جواب‘ دیا جائے گا۔