نئی دہلی: طالبات کو ہراساں کرنے والے نام نہاد روحانی بابا گرفتار

سوامی چَیتنیانند سرسوتی کے خلاف الزامات کے بعد شرنگیری پیٹھ، پولیس، اور خواتین کی قومی کمیشن (این سی ڈبلیو) نے اس معاملے کا نوٹس لیا۔

دہلی پولیس کے مطابق اب تک 32 طالبات سے پوچھ گچھ کی گئی ہے۔

ان میں سے 17 نے سوامی چَیتنیانند سرسوتی پر جنسی ہراسانی، ناشائستہ زبان استعمال کرنے، ڈرانے دھمکانے اور زبردستی چھونے کا الزام لگایا ہے۔

اس معاملے میں دہلی کے وسنت کنج پولیس سٹیشن میں بی این ایس ایکٹ نئے تعزیرات ہند کی مختلف دفعات کے تحت ایف آئی آر درج کی گئی ہے۔

پولیس نے جعلی ڈپلومیٹک نمبر پلیٹ والی کار بھی قبضے میں لے لی ہے۔ خیال کیا جاتا ہے کہ یہ کار سوامی چَیتنیانند سرسوتی کی ہے۔