سونے کی فی تولہ قیمت بلند ترین سطح پر پہنچ گئی

کراچی:سونے کی عالمی اور مقامی مارکیٹوں میں قیمت آج پھر بڑھ گئی۔

مقامی سطح پر 24 قیراط کے حامل فی تولہ سونے کی قیمت بھی 3500روپے کے اضافے سے 4لاکھ 10ہزار 278روپے کی نئی بلند ترین سطح پر آگئی جب کہ فی 10 گرام سونے کی قیمت 3001روپے بڑھ کر 3لاکھ 51ہزار 747روپے کی نئی بلند سطح پر پہنچ گئی ہے۔

بین الاقوامی بلین مارکیٹ میں بدھ کے روز فی اونس سونے کی قیمت یکدم 35 ڈالر کے اضافے سے 3ہزار 890ڈالر کی نئی بلند سطح پر آگئی ، جس کے بعد مقامی صرافہ بازاروں میں بھی  قیمتوں پر اثر پڑا۔