15 بیویوں اور 100 خادموں کے ساتھ افریقی بادشاہ کییو اے ای آمد

 ابوظہبی: افریقہ کے مطلق العنان بادشاہت، مملکتِ ایسواتینی کے بادشاہ مسواتی سوئم یو اے ای پہنچے، اپنے 15 بیویوں اور 100 خادموں کے ساتھ۔ بادشاہ اور ان کا شاہی عملہ پرائیویٹ جیٹ سے اترتے ہوئے ایئرپورٹ پر نظر آئے، جہاں ان کے تقریباً 30 بچے بھی موجود تھے، جس کے باعث ایئرپورٹ پر سیکیورٹی سخت کی گئی اور بعض ٹرمینلز بند کرنا پڑے۔

بادشاہ مسواتی نے روایتی لباس زیب تن کیا ہوا تھا اور ان کے شاہی قافلے نے سوشل میڈیا پر زبردست ہنگامہ پیدا کر دیا۔ صارفین نے بادشاہ کے شاندار طرز زندگی اور ملک میں موجود غربت و بنیادی سہولیات کی کمی پر شدید تنقید کی۔

1986 سے حکمرانی کرنے والے بادشاہ مسواتی کی ذاتی دولت ایک ارب ڈالر سے زائد بتائی جاتی ہے، جبکہ ملک کی اکثریت بنیادی سہولیات سے محروم ہے۔ ورلڈ بینک کے مطابق ملک میں بے روزگاری کی شرح 33 فیصد سے زیادہ ہے اور تقریباً 60 فیصد آبادی غربت کی لکیر سے نیچے زندگی گزار رہی ہے۔

بادشاہ مسواتی کی شاہانہ شان و شوکت اور عوامی مشکلات کے اس تضاد نے ایک بار پھر یہ واضح کیا کہ دولت مند شاہی طبقہ اور عام شہریوں کی زندگیوں میں گہرا فرق موجود ہے۔