میکسیکو میں طوفانی بارشیں اور سیلاب، 130 ہلاک

 

میکسیکو میں شدید بارش اور سیلاب نے بڑے پیمانے پر تباہی مچادی۔ مختلف حادثات میں 130 افراد ہلاک اور درجنوں لاپتہ ہو گئے۔ ایک لاکھ سے زائد مکانات متاثر ہوئے، سڑکیں اور پل تباہ ہو گئے، اور 5 ریاستوں میں بجلی کا نظام درہم برہم ہوگیا۔

ریسکیو ٹیمیں پانی میں پھنسے شہریوں کی مدد اور امدادی سامان کی تقسیم میں مصروف ہیں۔ 10 ہزار سے زائد فوجی اہلکار امدادی کارروائیوں میں حصہ لے رہے ہیں جبکہ بے گھر افراد کے لیے عارضی شیلٹر قائم کیے گئے ہیں۔

صدر میکسیکو نے کہا کہ اتنی شدید بارش کی توقع نہیں تھی اور مزید نقصانات کا خدشہ ہے۔