امریکا،چین کے درمیان تعمیری اورمثبت کردارکردار ادا کرنے کیلئے تیار ہیں

واشنگٹن: امریکا میں پاکستان کے سفیر رضوان سعید شیخ نے کہا ہے کہ پاکستان ماضی کی طرح چین اور امریکا کے درمیان تعمیری اور مثبت کردار ادا کرنے کے لیے تیار ہے۔

فیوچر سیکیورٹی سمٹ سے خطاب کرتے ہوئے انہوں نے کہا کہ افغانستان سے جنم لینے والی دہشت گردی سے سب سے زیادہ متاثر ہونے والا ملک پاکستان ہے ۔

پاکستانی سفیر کا کہنا تھا کہ پاکستان خطے میں امن کا خواہاں ہے، تاہم اپنی عوام کی سلامتی کو دہشت گردوں کے رحم و کرم پر نہیں چھوڑ سکتا۔

انہوں نے مزید کہا کہ پاکستان اور افغانستان کے درمیان سرحد ایک تسلیم شدہ بین الاقوامی بارڈر ہے، اور اسے تاریخی حقیقت کے طور پر قبول کیا جانا چاہیے۔