ترکیہ میں 6.1 شدت کا زلزلہ، عمارتوں کو نقصان

ترکیہ کے مغربی صوبے بالیکسیر کے قصبے سندرگی میں 6.1 شدت کے زلزلے نے خوف و ہراس پیدا کر دیا۔

زلزلے کی گہرائی تقریباً 6 کلومیٹر ریکارڈ کی گئی، جبکہ متعدد عمارتوں کو نقصان پہنچا۔اب تک کسی جانی نقصان کی اطلاع موصول نہیں ہوئی۔

جھٹکے استنبول، بورصہ، مانیسا اور ازمیر سمیت کئی شہروں میں محسوس کیے گئے، جس کے بعد شہری گھروں سے باہر نکل آئے۔

یاد رہے کہ اگست میں بھی اسی علاقے میں 6.1 شدت کا زلزلہ آیا تھا، جس میں ایک شخص جاں بحق اور درجنوں زخمی ہوئے تھے۔