اسالنکا کی قیادت میں سری لنکا کرکٹ ٹیم اسلام آباد پہنچ گئی

اسلام آباد: سری لنکا کی کرکٹ ٹیم کپتان چریتھ اسالنکا کی قیادت میں پاکستان پہنچ گئی۔ ٹیم اسلام آباد ایئرپورٹ پر سیکیورٹی کے سخت انتظامات کے درمیان پہنچی، جہاں انہیں متعلقہ حکام نے خوش آمدید کہا۔

پاکستان اور سری لنکا کے درمیان تین ون ڈے انٹرنیشنل میچوں کی سیریز 11 سے 15 نومبر تک راولپنڈی کرکٹ اسٹیڈیم میں کھیلی جائے گی۔

🛬 Sri Lankan team arrives in Pakistan for the three-match ODI series and T20I tri-series 🏏#PAKvSL pic.twitter.com/i1LcRzDFZN

— Pakistan Cricket (@TheRealPCB) November 8, 2025

ون ڈے سیریز کے بعد دونوں ٹیمیں ٹی ٹوئنٹی ٹرائنگولر سیریز میں شرکت کریں گی، جس میں پاکستان، سری لنکا اور زمبابوے شامل ہوں گے۔

یہ بھی پڑھیں:۔ پاکستان نے فیصلہ کن میچ میں جنوبی افریقہ کو ہرا کر سیریز جیت لی

ٹی ٹوئنٹی ٹرائنگولر سیریز 17 سے 29 نومبر تک راولپنڈی اور لاہور میں شیڈول ہے۔

کرکٹ بورڈ کے مطابق ٹیموں کے درمیان سیریز کے دوران سیکیورٹی، انتظامات اور پریکٹس سیشنز کا شیڈول طے کرلیا گیا ہے۔