کمپیوٹر چِپس سے بینائی بحال،سائنس میں انقلاب

پیرس: سائنس اور طب کے میدان میں ایک نیا انقلاب برپا ہو گیا ہے، جہاں جسم میں نصب کیے جانے والے کمپیوٹر چِپس کے ذریعے انسانی بینائی کی جزوی بحالی ممکن ہو گئی ہے۔

ٹائم میگزین کی رپورٹ کے مطابق 87 سالہ فرانسیسی خاتون ایلس شارٹون، جو عمر سے متعلق آنکھوں کی بیماری ایج ریلیٹڈ میکولر ڈی جنریشن (AMD) سے متاثر تھیں، اب اس جدید ٹیکنالوجی کی مدد سے اپنی مرکزی بینائی جزوی طور پر بحال کر پائی ہیں۔

سان فرانسسکو کی کمپنی سائنس کارپ نے "پریما” نامی تجرباتی ٹیکنالوجی تیار کی ہے، جس میں ریٹینا کے متاثرہ حصے پر ایک چھوٹا سا مائیکرو چِپ نصب کیا جاتا ہے، جو بینائی کی صلاحیت کو بحال کرنے میں مددگار ثابت ہوتا ہے۔

یہ کامیابی دنیا بھر میں بینائی کے علاج کے نئے امکانات کو فروغ دینے کا سبب بن رہی ہے۔