امریکہ نے لاطینی امریکہ کے ممالک میں آپریشن کا اعلان کردیا

امریکی وزیر جنگ پیٹ ہیگ سیٹھ نے لاطینی امریکہ میں ’نارکو دہشت گردوں‘ کے خلاف فوجی آپریشن ’ساؤتھرن اسپئیر‘ کا اعلان کیا ہے، جس کا مقصد امریکہ کی حفاظت کے ساتھ ہی ہیروشیہ سے منشیات کے خطرات کو ختم کرنا بتایا گیا ہے۔

ہیگ سیٹھ نے سوشل میڈیا پلیٹ فارم X پر اعلان کرتے ہوئے کہا کہ یہ مشن ہماری سرزمین کی حفاظت کرے گا اور ہیروشیہ سے نارکو دہشت گردوں کو ہٹائے گا۔ تاہم، انہوں نے آپریشن کی تفصیلات یا موجودہ فوجی کارروائیوں سے اس کے فرق کے بارے میں کوئی وضاحت نہیں دی۔

صدر ڈونلڈ ٹرمپ کی انتظامیہ کی جانب سے کیریبین اور مشرقی پیسیفک میں ایک فوجی مہم جاری ہے، جس میں بحری اور فضائی افواج کو منشیات کے خلاف کارروائی کے لیے تعینات کیا گیا ہے۔ امریکی اعداد و شمار کے مطابق، ستمبر کے آغاز سے اب تک خطے میں تقریباً 20 بحری جہازوں پر حملے کیے گئے جن میں کم از کم 76 افراد ہلاک ہوئے۔

President Trump ordered action — and the Department of War is delivering.

Today, I’m announcing Operation SOUTHERN SPEAR.

Led by Joint Task Force Southern Spear and @SOUTHCOM, this mission defends our Homeland, removes narco-terrorists from our Hemisphere, and secures our…

— Secretary of War Pete Hegseth (@SecWar) November 13, 2025

سی بی ایس نیوز کے مطابق سینئر فوجی حکام نے صدر ٹرمپ کو وینزویلا میں ممکنہ زمینی کارروائیوں سمیت آپشنز پیش کیے ہیں۔ وینزویلا نے منگل کو کہا کہ وہ امریکی بحری موجودگی کے بڑھتے خطرے کے پیش نظر ملک بھر میں فوجی تعینات کرے گا، جس میں کیریبین میں موجود چھ امریکی جنگی جہاز اور پورٹو ریکو میں پہنچنے والے F-35 طیارے بھی شامل ہیں۔

کاراکاس کا خدشہ ہے کہ یہ تعیناتیاں دراصل امریکی حکومت کی جانب سے وینزویلا میں حکومت بدلنے کی سازش کا حصہ ہیں۔

یاد رہے کہ امریکہ میں وزیر دفاع کے عہدے کا نام ٹرمپ دور میں  وزیر جنگ کر دیا گیا ہے۔