سونا 7ہزار 700روپے مہنگا،فی تولہ قیمت کتنی ہو گئی؟

کراچی: سونے کی عالمی اور مقامی مارکیٹوں میں قیمتوں میں اچانک بڑا اضافہ ہوگیا۔

مقامی صرافہ بازاروں  میں بھی 24 قیراط کے حامل فی تولہ سونے کی قیمت 7ہزار 700روپے کے اضافے سے 4لاکھ 36ہزار 562روپے کی سطح پر  پہنچ گئی۔

اسی طرح ملک میں فی 10 گرام سونے کی قیمت 6ہزار 601روپے بڑھ کر 3لاکھ 74ہزار 281روپے کی سطح پر آگئی۔

بین الاقوامی بلین مارکیٹ میں آج فی اونس سونے کی قیمت 77ڈالر کے اضافے سے 4ہزار 142ڈالر کی سطح پر آگئی ، جس کا زیر اثر مقامی مارکیٹ پر بھی پڑا۔

واضح رہے کہ گزشتہ روز سونے کی قیمتوں میں کوئی رد و بدل نہ ہونے کی وجہ سے استحکام رہا تھا  جب کہ گزشتہ کاروباری ہفتے کے آخری دنوں میں  سونے کی قیمتوں میں مسلسل اضافہ دیکھا گیا تھا۔