افغانستان سے ڈرون حملہ، تاجکستان میں 3 چینی ملازمین ہلاک

 

بیجنگ: چینی میڈیا نے کہا ہے کہ افغانستان سے ہونے والے حملے میں تاجکستان میں 3 چینی شہری ہلاک ہوگئے، نجی کمپنی کے کیمپ کو نشانہ بنایا گیا۔

افغانستان سے آئے حملہ آوروں نے ڈرون کے ذریعے نجی کمپنی کے کیمپ کو نشانہ بنایا جس میں3 چینی باشندے ہلاک ہوئے، اس واقعے کے بعد تاجکستان نے افغانستان سے حملے کو دہشتگردی قرار دیدیا ہے۔

تاجک حکام کے مطابق 26نومبر 2025 کی رات افغانستان سے ایک مسلح حملہ ہوا، جس میں LLC شوہین SM کے ملازمین کے کیمپ کو نشانہ بنایا گیا، یہ کیمپ ختلون علاقے میں واقع “یول” بارڈر ڈیٹیچمنٹ کی پہلی بارڈر گارڈ پوسٹ “استقلال” کے کنٹرول کے علاقے میں تھا۔

تاجک حکام کا کہنا ہے کہ حملہ ڈرون کے ذریعے کیا گیا، جس پر دستی بم اور آتشیں اسلحہ نصب تھا،حملے کے نتیجے میں LLC شوہین SM کے تین چینی ملازمین ہلاک ہوگئے۔

تاجک حکام کے مطابق  تاجکستان حکومت نے افغانستان سے سرحد پار اس کارروائی پر شدید تشویش کا اظہاراور احتجاج کیا ہے۔

تاجک حکام نے اس دہشت گردانہ حملے کی سخت مذمت کی ہے،تاجکستان نے افغان حکام سے سرحدی سلامتی کیلئے فوری اور موثر اقدامات کا مطالبہ کیا ہے۔

افغانستان کی سرزمین پر موجود دہشت گرد گروہوں کی تخریبی کارروائیاں مسلسل جاری ہیں،افغان طالبان رجیم کے تمام وعدوں کے باوجود افغانستان سے پڑوسی ممالک پر دہشتگردانہ حملے جاری ہیں۔