فیفا عرب کپ، فلسطین نے سنسنی خیز مقابلے کے بعد قطر کو مات دیدی

دوحہ : فیفا عرب کپ 2025 کا آغاز تاریخی انداز میں ہو گیا ،سنسنی خیز  میچ میں فلسطین کی ٹیم نے میزبان قطر کو کانٹے دار میچ میں ایک صفر سے شکست دیدی۔

سنسنی خیز میچ قطر کے الحبیب اسٹیڈیم میں کھیلا گیا۔ فلسطین کے مدمقابل میزبان ملک کی ٹیم تھی اور اسٹیڈیم تماشائیوں سے کھچا کھچ بھرا ہوا تھا۔دونوں ٹیموں کی جانب سے ایک دوسرے پر تابڑ توڑ حملے کیے گئے جو کبھی دفاعی کھلاڑیوں تو کبھی گول کیپر اور کبھی بدقسمتی سے کھلاڑی کی کک باہر جانے سے ناکام رہے۔

قطر اور فلسطین کے دفاعی کھلاڑی پورے میچ میں متحرک، چست اور نہایت مصروف نظر آئے جو مخالف ٹیم کے فارورڈز کی امیدوں پر پانی پھیرتے رہے۔

سب میچ کے فیصلے کے لیے اضافی وقت اور اس کے بعد پینلٹی ککس کی آس لگائے بیٹھے تھے کہ 95 ویں منٹ میں چمتکار ہوگیا۔فلسطینی فارورڈ کے کراس پر قطر کے دفاعی کھلاڑی سلطان البرک نے بدقسمتی سے اپنے ہی گول میں گیند ڈال دی اور اس طرح یہ ناقابل یقین فتح خوش نصیب فلسطینی ٹیم کے نام رہی۔

Full Time..🔚

Qatar (0) : (1) Palestine#FIFArabCup 🏆 pic.twitter.com/HEYEZRJ06Y

— Qatar Football Association (@QFA_EN) December 1, 2025