غزہ پر اسرائیلی حملے جاری، صحافی سمیت 3 فلسطینی شہید

غزہ میں جنگ بندی کے باوجود اسرائیلی فورسز کی کارروائیاں جاری ہیں۔ متعدد فضائی حملوں میں ایک صحافی سمیت تین فلسطینی شہید ہو گئے ہیں۔

فلسطینی محکمہ صحت کے مطابق خان یونس کے مرکزی علاقے میں فضائی حملے میں صحافی محمود وادی شہید اور ان کا ساتھی زخمی ہوا۔ صحافی محمود وادی کو دوران رپورٹنگ نشانہ بنایا گیا۔

خبر رساں اداروں کے مطابق وسطی غزہ میں قائم پناہ گزین کیمپ میں اسرائیلی فائرنگ سے ایک نوجوان شہید ہوا جبکہ زیتون کے علاقے میں ایک اور نوجوان کو گولی مار کر ہلاک کر دیا گیا۔

اسرائیلی فوج نے دعویٰ کیا کہ جنوبی غزہ میں ’یلو لائن‘ عبور کرنے پر دو افراد کو فوجیوں کے قریب پہنچنے پر شہید کیا گیا۔ غیرملکی میڈیا کے مطابق غزہ میں جنگ بندی کے باوجود اسرائیل کے حملے جاری ہیں اور اب تک 350 سے زائد افراد شہید ہو چکے ہیں۔