انجینئر طویل بیت الخلا کے وقفے پر نوکری سے فارغ

چین کے مشرقی صوبہ جیانگسو میں ایک انجینئر لی کو کام کے دوران طویل بیت الخلا کے وقفے لینے پر ملازمت سے برخاست کر دیا گیا۔ لی نے دعویٰ کیا کہ وہ بواسیر کے مریض ہیں۔

رپورٹس کے مطابق اپریل اور مئی 2024 کے دوران لی نے 14 بیت الخلا کے وقفے لیے، جن میں سب سے طویل وقفہ 4 گھنٹے تک جاری رہا۔

لی نے کمپنی کے خلاف عدالت میں غیر قانونی برطرفی کا مقدمہ دائر کیا اور 3 لاکھ 20 ہزار یوآن (تقریباً 45,000 امریکی ڈالر) معاوضے کا مطالبہ کیا، ساتھ ہی بواسیر کی دوائیں اور جنوری میں ہسپتال میں ہونے والے علاج کے ریکارڈ بھی عدالت میں پیش کیے۔

تاہم عدالت نے فیصلہ دیا کہ لی کا بیت الخلا میں گزارا گیا وقت ان کی جسمانی ضرورت سے بہت زیادہ تھا اور اپیل مسترد کر دی گئی۔ چین کے لیبر قوانین کے مطابق ملازمین کو حفظان صحت کی سہولت دی جاتی ہے، لیکن عدالت نے طویل اور غیر معقول وقفوں کو کمپنی کے جائز اقدام قرار دیا۔