خیبرپختونخوا پولیس کادہشتگردی سے نمٹنے کیلئے جدید اسلحہ خریدنے کافیصلہ

پشاور: خیبرپختونخوا پولیس نے دہشت گردی کے خلاف کارروائیوں کو مزید مؤثر بنانے کے لیے جدید اسلحہ اور حفاظتی ساز و سامان خریدنے کا فیصلہ کر لیا ہے۔

پولیس حکام کے مطابق اس منصوبے کے تحت 50 بیریٹا اسنائپر رائفلز، 100 اسنائپر رائفلز اور مجموعی طور پر 1250 جدید خودکار ہتھیار (TWS) خریدے جائیں گے۔ چھوٹے اور بڑے ہتھیاروں کی جدید کاری کے لیے ریلیاں بھی فراہم کی جائیں گی۔ اس کے علاوہ 430 تھرمل بائنیکیولرز اور 330 تھرمل ٹی آئی کیمرے بھی پولیس کو فراہم کیے جائیں گے۔

دہشت گردی کے خطرات سے نمٹنے کے لیے 73 سرویلنس ڈرون، 14 اینٹی ڈرون گنز اور 4 سرچ ڈرونز خریدے جائیں گے۔ کارروائیوں کے دوران حفاظت کے لیے 20 جدید بم ڈسپوزل سوٹس اور 1000 اسپارٹا کیمرے بھی خریدے جائیں گے۔

پولیس کے اہلکاروں کی حفاظت کے لیے 6 ہزار بلٹ پروف جیکٹس اور 6 ہزار بلٹ پروف ہیلمٹس فراہم کیے جائیں گے، جبکہ 39 پولیس گاڑیوں کی فرنٹ سکرین اور 5 ڈبل کیبن گاڑیوں کی مکمل بلٹ پروفنگ کی جائے گی۔ مزید 210 بی سیون لیول بکتر بند گاڑیاں اور 1200 آپریشنل بکتر بند گاڑیاں بھی خریداری منصوبے میں شامل ہیں۔ پولیس گاڑیوں کی سائیڈ آرمَرنگ اور باڈی فیبریکیشن بھی اس منصوبے کے تحت کی جائے گی۔

یہ اقدامات خیبرپختونخوا پولیس کو دہشت گردی کے خلاف مؤثر کارروائیوں اور عوامی تحفظ فراہم کرنے میں مدد دیں گے۔