خطہ پوٹھوہار،وفاقی دارالحکومت میں شدید گرج چمک اور بارش۔ کئی مقامات پر بجلی معطل

راولپنڈی سمیت خطہ پوٹھوہارکے کئی علاقوں اور وفاقی دارالحکومت میں علی الصبح شدید گرج چمک اور تیزبارش سے ٹھنڈ بڑھ گئی۔ فجرکی اذان سے کچھ پہلے بارش کاسلسلہ شروع ہوا جو گذشتہ روز بارش سے حجم اور مقدارمیں زیادہ تھی۔ہفتے کو اسلام آبادمیں بھی بادل برسے ۔

بارش سے کئی علاقوں کو بجلی کی ترسیل معطل ہو گئی۔

محکمہ موسمیات نے 22 دسمبر تک بارشوں کی پیش گوئی کی تھی۔یہ سلسلہ 20دسمبر سے ہلکی اور معتدل بارش کی صورت میں شروع ہوچکاہے۔

پیر کے روز با لائی خیبر پختونخوا، گلگت بلتستان اور کشمیر میں تیز ہواؤں کے ساتھ بارش اور پہاڑوں پر برفباری کا امکان ظاہرکیا گیاہے، ملک کے دیگرعلاقوں میں موسم سرد اور خشک رہےگا۔ مشرقی پنجاب اور بالائی سندھ کے اضلاع میں دھند،سموگ چھائے رہنے کی توقع ہے۔